Votación xogador do mes de febreiro

Santi foi o gañador do mes de xaneiro

Abrimos a votación para elexir ao mellor xogador do mes de febreiro. Nesta ocasión cambia o formato da votación. Haberá que elexir entre os cinco candidatos propostos. Non foi fácil a elección debido ao alto nivel mostrado por todos os xogadores nos tres partidos disputados este mes ante Ribadavia At., Os Chaos e Arcos. Os xogadores aos que podedes votar son os seguintes:

ADOLFO: O capitán estivo presente nos tres encontros, dando mostras da súa calidade en todos eles. Incluso contra Os Chaos ocupou o lateral esquerdo, o que non lle impidiu anotar dous goles nese encontro. É todo un exemplo para os seus compañeiros.

JULIO ÁLVAREZ: O lateral dereito segue a demostrar unha gran regularidade, sendo un seguro de vida en defensa. En cada partido da o mellor de si mesmo anulando ao rival que se acerca pola súa zona. Sólido e eficaz.

JULIO SALGADO: O dianteiro centro segue sendo fiel a súa cita co gol. Neste mes anotou tres (un en Ribadavia e dous en Carballiño ante o Arcos). Os seus goles ademáis adoitan romper o empate inicial, como ocurriu ante o Ribadavia e o Arcos.

RAMÓN DACOSTA: O central deu todo un recital ante Os Chaos, anotando un "hattrick" cun soberbio gol dende o centro de campo incluido, propio doutra categoría. Ademáis na súa tarefa defensiva estivo inconmensurable, sendo prácticamente imposible de superar polos dianteiros contrarios.

ROBERTO DACOSTA: O mediapunta non deixa de deleitar en cada encontro. Neste mes xogou os tres partidos (dous deles completos) sendo un constante perigo para as defensas contrarias polo seu desborde e visión de xogo. Anotou dous goles ante Os Chaos e cansouse de dar asistencias aos seus compañeiros.

Novo triunfo: 1-9 ante o Arcos

Novo triunfo ante o Arcos. Foto Iñaki Osorio (Faro de Vigo)

A Unión Deportiva Ourense suma e segue. Ante o Arcos en Espiñedo sumou a súa decimonovena vitoria ao gañar por un contundente 1-9. Foi un partido que enseguida se puxo de cara para os ourensanistas cun 0-2 aos 14 minutos, que xa deixaba prácticamente sentenciado o encontro.

Como sempre o dominio foi total dos xogadores de Antonio Dacosta, realizando por momentos un fútbol de superior categoría. Mostra delo o terceiro gol, obra de Xaco, despois dunha gran xogada do equipo unionista.

Ante o Arcos en Espiñedo

Na primeira volta a Unión gañou por 5-0 ao Arcos nos Remedios

A Unión Deportiva Ourense acude este sábado ao Carballiño para xogar contra o Arcos. O partido disputarase no histórico Espiñedo, feudo do non menos histórico Arenteiro. Non se trata do campo habitual do Arcos xa que normalmente xogan no sintético da Uceira, sen embargo a visita da Unión Deportiva Ourense fai que se traslade o escenario do encontro. O pitido inicial terá lugar ás 16,30 horas.

Os ourensanistas tratarán de dar un paso máis cara o ascenso, que xa está a tan só 10 puntos. O Arcos é un equipo de rachas. Así dos catro primeiros partidos tan só gañou un, despois de caer nos Remedios por 5-0 ante a Unión encadeou catro vitorias consecutivas, a esta seguiulle outra de tan só un empate en cinco encontros e posteriormente gañou tres partidos de forma consecutiva. Racha esta última que rompeu a xornada pasada o Barra de Miño ao gañarlle no Tato por 2-0.

Suma e sigue da U.D.Ourense, 14-0 aos Chaos

Foto Iñaki Osorio - Faro de Vigo



A priori era o partido máis desequilibrado da categoría e así quedou demostrado na práctica. O 14-0 final non tivo máis historia que os goles que ían caendo do lado local destacando o hat-trick anotado por Ramón Dacosta, donde o primeiro dos goles foi unha espectacular vaselina dende o medio do campo. Pola súa banda Roberto Dacosta, Chechu (autor do gol 100 en liga), Adolfo, Santi e Xaco anotaron dous goles cada un. O gol que falta para sumar os 14 marcouno Fran Álvarez.

Do resto do partido destacar a presenza de José Manuel Rodríguez Nóvoa "Pego". O fundador, presidente, adestrador e aínda xogador dos Chaos aos seus 72 anos. Onte xogou a primeira parte e recibiu unha merecida homenaxe por parte da Unión Deportiva Ourense coa entrega dunha camiseta asinada polos xogadores e unha placa conmemorativa. E tamén hai que salientar de novo á afección da Unión, que unha vez máis se achegou ao Couto en bo número, unhas 800 persoas, para presenciar un partido que pasará á historia da Unión Deportiva Ourense.

Os Chaos visitan O Couto

Pego recibirá unha homenaxe no Couto

O domingo chega ao Couto Os Chaos, o histórico clube de Amoeiro que fai bo o lema olímpico de que o importante é participar. A priori é o partido máis desequilibrado desta liga. Os Chaos son últimos con cero puntos, 8 goles a favor e 98 en contra; mentras que a Unión Deportiva Ourense é líder con pleno de vitorias, 97 goles a favor e 7 en contra. Salvo monumental sorpresa os ourensanistas deberían sumar un novo triunfo que deixe máis cerca o obxectivo do ascenso e seguir coa ilusión de facer o pleno de vitorias.

Antes do partido a Unión Deportiva Ourense tributaralle unha merecida homenaxe a José Manuel Rodríguez Nóvoa "Pego". O "alma mater" dos Chaos que sigue en activo aos 72 anos de idade, todo un exemplo de constancia e amor polo fútbol. Entregaráselle unha placa e unha camiseta da Unión Deportiva Ourense.

Para este partido Antonio Dacosta recupera a Ramón Dacosta, Víctor Arias, Fran Álvarez e Valderas. O máis probable é que os tres primeiros xoguen de inicio e Valderas espere a súa oportunidade no banco. Tamén debido aos moitos minutos que levan xogado, Xurxo, Julio Álvarez, Lucas Nieto e Diego Soto terán descanso neste encontro, para que a volta do parón polo Entroido cheguen en plena forma para afrontar a recta final da tempada, onde nos xogamos o campionato de liga, continuar adiante na Copa Deputación e intentar lograr o pleno de triunfos.

Xa que logo a convocatoria estará formada por Adolfo, Alberto, Cristian, Chechu, Fabio, Fran Álvarez, Héctor, Julio Salgado, Ramón Dacosta, Roberto Almeida, Roberto Dacosta, Santi, Toni, Valderas, Víctor Arias e Xaco. O once máis probable estaría formado por Héctor na porta; Alberto, Fabio, Ramón Dacosta e Adolfo na liña defensiva; Fran Álvarez e Víctor Arias no medio do campo; Xaco, Roberto Dacosta, Roberto Almeida na mediapunta e Chechu coma home máis adiantado. No banco estarán Cristian, Valderas, Toni, Santi e Julio Salgado.